Нова монтажна катна гаража ќе никне на местото на старата зграда на Клиниката за гинекологија, и уште една спроти Клиниката за трансфузиологија. Министерството за здравство отвори постапка за јавно-приватно партнерство за изградба на две катни монтажни гаражи, кои се очекува да го решат проблемот со паркирањето на клиниките.
Министерот Венко Филипче за Мета.мк вели дека се очекува до Нова година гаражите да бидат функционални и ставени во употреба.
– Имаше студија за јавно-приватно партнерство, имаше две опции. Едната беше со изградба на три монтажни гаражи, но ја отфрливме затоа што беше скапа. Втората беше поприфатлива. Добро е што иако се монтажни, има можност понатаму и да се надградат, бидејќи може да се стави една форма на темел и да се монтираат спратови. Критериум ќе биде цена за час паркирање и цена за картичка за вработени. Почнуваме со негативна аукција од 500 денари за месец, за да им излеземе во пресрет на вработените, што значи дека може цената да падне и на 300, па и 200 денари за паркирање за вработените за цел месец – вели Филипче.
Извор: Мета.мк 07.08.2019 14:35
Целиот текст прочитајте го тука: meta.mk/problemot-so-parkingot-na-klinichki-ќe-se-reshava-so-montazhni-garazhi-preku-јavno-privatno-partnerstvo/